Ne visser ziet soms zijne pèredeur de zonne of deur 't slecht were
heeft hij gene vis, 't is ambras
zonder da't zijn feite was.
Maar heeft hij soms veel vis gevangen
tons die wordt hij wreed goed ontvangen
tons zingt iedereen groot en klein
binst dat ze aan 't dansen zijn.

Papa doet zijn devure, het blinkt op ons tallure.
Ja, papa is ne man, in 't vissen kan 't er niemand aan.
Braasems of grondelingen, steenblieken of palingen.
Papa heeft altijd wat, gene visser gelijk papa.

Zie waarlijk 't er zijn der geen grappen
da'k mijn huis moest binnenstappen
zonder eene enkele bliek.
Misschien viel mijn vréwe zelfs ziek.
Maar ik stappe gerust naar binne
en 'k hale den bliek veur de pinne
al heb ik hem juist gekocht
straks klinkt het weer deur de lucht.

Papa doet zijn devure, het blinkt op ons tallure.
Ja, papa is ne man, in 't vissen kan 't er niemand aan.
Braasems of grondelingen, steenblieken of palingen.
Papa heeft altijd wat, gene visser gelijk papa.

Ge zult mij misschien niet gelove
hoe da ne visser moet sloven.
Geraakt mijnen haak soms vast
op 't moment dat het niet en past
inplaatse van mij ne kier te rekken
moet ik daar staan sleuren en trekken.
Zo heb 'k ne roeste velo boven g'haald,
gelukkig had ik mijne vis al betaald.

Papa doet zijn devure, het blinkt op ons tallure.
Ja, papa is ne man, in 't vissen kan 't er niemand aan.
Braasems of grondelingen, steenblieken of palingen.
Papa heeft altijd wat, gene visser gelijk papa