raat kitni daastane keh rahi hai
ik nadi yaadon ki hai jo beh rahi hai

raat kitni daastane keh rahi hai
ik nadi yaadon ki hai jo beh rahi hai
milne aaye hain hum se
beete huve lamhein kal ke
kitne pehchaane chehre
tanhaai mein hain chhalke
yun toh koi hai kahaan koi kahaa
yaadein leke aayi hai sabko yahaan

raat kitni daastane keh rahi hai
ik nadi yaadon ki hai jo beh rahi hai

ek maathe par damakti ek bindi
ek aanchal jaane kyun lehra raha hai
ghar ke darwaaze pe sundar si rangoli
phir koi tyohaar milne aa raha hai

nanhe paaon se chalta hai koi
ungliyon se jap raha hai koi maala
ek thaali ik kalaai ek raakhi
ek mandir ek deepak ik ujaala

raat kitni daastane keh rahi hai
ik nadi yaadon ki hai jo beh rahi hai

dosti ka haath hai kandhe pe rakkha
pyaar se do aankhein chhalki ja rahi hain
dhoop ki hai dhajjiyan baaghon mein bikhri
pedon mein chhupke hawayein gaa rahi hain

lambi saansein lete hain saawan ke jhoole
ghaat par paayi pyaasi gagariya hain
nadiya kinaare hai bansi ka lehra
ek pagdandi pe khanki choodiyan hain

raat kitni daastane keh rahi hai
ik nadi yaadon ki hai jo beh rahi hai

milne aaye hain hum se
beete huve lamhein kal ke
kitne pehchaane chehre
tanhaai mein hain chhalke
yun toh koi hai kahaan koi kahaan
yaadein leke aayi hai sabko yahaan

raat kitni daastane keh rahi hai
ik nadi yaadon ki hai jo beh rahi hai