N staba xintadu mi sô, mi sô
Kónde mar soma ku se água ta rola
Lógu xintidu korre-m na bo lonji di mi
Sen sabe kemá bo staba

N staba xintadu mi sô, mi sô
Kónde mar soma ku se água ta rola
Lógu xintidu korre-m na bo lonji di mi
Sen sabe kemá bo staba

Mar staba ta ben mansu ta sana
Ku ar di un portador di un nóba sábe
Má loge ki N odja-l, N txora

N txora sodadi di bo, nha kretxeu
Pamô es mar ki tene-u lonje di mi
N anima N pidi Nhordés na séu
Pa traze-m bo, pa nha dór ten fin

N txora sodadi di bo, nha kretxeu
Pamô es mar ki tene-u lonje di mi
N anima, N pidi Nhordés na séu
Pa traze-m bo, pa nha dór ten fin

Mar sa ta leba-u un flor di speransa
Intxidu di sodade ke N tene di bo
K'é pa bo guarda pa nos lenbransa

N anima, N pidi Nósa Sinhóra da Grasa
P'el djuda-m bo n'es afrónta ki bo sta
P'el libra-m bo di mal i má disgrasa
Ami p'el konsola-m tê dia ki bo txiga-m na mi

N anima, N pidi Nósa Sinhóra da Grasa
P'el djuda-m bo n'es afrónta ki bo sta
P'el libra-m bo di mal i má disgrasa
Ami p'el konsola-m tê dia ki bo txiga-m na mi

Mar konta-m kusa ki 'u fla-l pa fla-m
Lógu N fika na meiu di mórte a má bida
Ku fadiga ama ku dór na korasan

Seta nha alma nun beju di mel
Pa bo ka beja ningen lonje di mi
Lenbra kemá bo é di-meu, sô di-meu!
Flor di bo petu é mi, sô mi!

Seta nha alma nun beju di mel
Pa bo ka beja ningen lonje di mi
Lenbra kemá bo é di-meu, sô di-meu!
Flor di bo petu é mi, sô mi!

Mar sa ta leba-u un flor di speransa
Intxidu di sodade ke N tene di bo
K'é pa bo guarda pa nos lenbransa

N txora!