[Enredo: Djôndjôn Ca Ta Vergá]

Já lá vai ténpu ke sinhor Koxin reklamá
Un puéma diferente pa nos povu, pa nos jente

Nos puéma ka mudá, dfikuldade ka kabá
Ma no ka ta vergá, un dia no ta txgá la
Nos puéma ka mudá, dfikuldade ka kabá
Ma no ka ta vergá, un dia no ta txgá la

Pa no skrevê nos stória ke kanéta permanente
Sen fólha rezuróde di bóxe di péna di parlamente
Ta inkurtá sustentu ta vrá jente indijente
Nun demagojia de parlare, parlare, parlare, parlare
I pa nos pove nada fatto, nada fatto, é so gravata

Pa no skrevê nos stória ke kanéta permanente
Sen fólha rezuróde di bóxe di péna di parlamente
Ta inkurtá sustentu ta vrá jente indijente
Nun demagojia de parlare, parlare, parlare, parlare
I pa nos pove nada fatto, nada fatto, é so gravata

Odju pa séu, ondê-l? Ondê-l?
Inda no kre-l, ondê-l? Ondê-l?
Odju pa séu, ondê-l? Ondê-l?
Inda no kre-l, ondê-l? Ondê-l?

Trokóde kolonialáis pa oportunáis
Txeu bjon panhá buléia pa mamá na asenbléia
Nes gol a gol di pai ma mai di puder
U sidadãu na var, sen pite i sen palpite
Rendimente di pove sturkide ta inforká n'inpostu
Pa sustentá ganánsia di ken ten más postu

Trokóde kolonialáis pa oportunáis
Txeu bjon panhá buléia pa mamá na asenbléia
Nes gol a gol di pai ma mai di puder
U sidadãu na var, sen pite i sen palpite
Rendimente di pove sturkide ta inforká n'inpostu
Pa sustentá ganánsia di ken ten más postu

Abernunsia kredu en krus barrabás
Djondjon trazê baigon p'es pulga ma es karrapate
Abernunsia kredu en krus barrabás
Djondjon trazê baigon p'es pulga ma es karrapate

Nos é intelijente, txoldente i revultiente
No ben bli es ralon, reparti-l pa tude kriston
Ter kaza ma trabói, saúdi, idukasãu
Transporte, ága ma lus pa tude populasãu
Pa kada fidje di parida ter se dignidade

Nos é intelijente, txoldente i revultiente
No ben bli es ralon, reparti-l pa tude kriston
Ter kaza ma trabói, saúdi, idukasãu
Transporte, ága ma lus pa tude populasãu
Pa kada fidje di parida ter se dignidade

Montsú já seí na lórge, Montsú já skuá di kazóke
Xlin pa mi, xlin pa bo, un kdjer di papa pa kada un
No ben po lúm nes papa, sáb na mi, sáb na bo
Montsú já seí na lórge, Montsú já skuá di kazóke
Xlin pa mi, xlin pa bo, un kdjer di papa pa kada un
No ben po lúm nes papa, sáb na mi, sáb na bo