Haree haree wasundhara pe nila nila yeh gagan
ke jis pe badalo kee palakee uda raha pawan
dishaye dekho rangbharee, chamak rahee umang bharee
yeh kis ne phul phul pe kiya singar hai
yeh kaun chitrakar hai

tapaswiyo see hain atal yeh parawato kee chotiya
yeh sarpa see ghoomeradar, gheradar ghatiya
dhwaja se yeh khade huye hain wariaksh dewadar ke
galiche yeh gulab ke, bagiche yeh bahar ke
yeh kis kavee kee kalpana kaa chamatkar hai
yeh kaun chitrakar hai

kudrat kee iss pavitrata ko tum nihar lo
iss ke guno ko apne mann me tum utar lo
chamakalo aaj lalima, apne lalat kee
kan kan se jhankatee tumhe chhabee virat kee
apnee toh aankh yek hai uss kee hajar hai
yeh kaun chitrakar hai