Ch’‘e libbre sott''o vraccio
E 'a camicetta a fiore blu,
Vuó' fá 'a signurenella
'Nnanz'â scola pure tu,
Te piglie 'a sigaretta
Quann''accatte pe' papá,
Te miette giá 'o rrussetto
Comme vide 'e fá a mammá.
Lazzarè!

Ma, lazzarella comme sì,
A mme me piace sempe 'e cchiù,
E vengo apposta pe' t''o ddi’
Vicino â scola d''o gesù.
Tu invece mme rispunne: "e ggiá,
Io devo retta proprio a te!
Pe' mme ll'ammore pó aspettá,
Che nn'aggi''a fá, nun fa pe' mme."

Ah, lazzarella,
Ventata 'e primavera,
Quanno passe, tutt''e mmatine,
Giá te spiecchie dint''e vvetrine,
Sulo nu cumplimento te fa avvampá...
Ma lazzarella comme si',
Tu nun me pienze proprio a mme
E ride pe' mm''o ffá capí
Ca perdo 'o tiempo appriesso a te

Mò vene ‘nu studente
'Nnanze ‘a scola d''o gesù.
Te va sempe cchiù astretta
'A camicetta a ffiore blu.
Te piglie quatte schiaffe
Tutt''e vvote ca papá
Te trova ‘nu biglietto
Ca te scrive chillu llá...
Lazzarè!

Ma lazzarella comme si',
Ce si' caduta pure tu:
Ll'ammore nun te fa mangiá
Te fa suffrí, te fa penzá.
‘Na sera tu lle dice: "no"
‘Na sera tu lle dice: "ma"
Ma si ‘nu vaso te vò dá
Fai segno 'e "sí", senza parlá...

Ah, lazzarella,
'O tiempo comme vola:
Mò te truove tutt''e mmatine
Chine 'e lacreme ‘stu cuscino...
Manco ‘na cumpagnella te pò aiutá!

E vengo apposta pe' t''o ddi’
Vicino â scola d''o gesù.

E ride pe' mm''o ffá capí
Ca perdo 'o tiempo appriesso a te
E ride pe' mm''o ffá capí
Ca perdo 'o tiempo appriesso a te…
Lazzarè!