Guine di nha pubis son, n' obi noba
I noba medunhu toki panta mundu
Nha ermons no kuida des Covid-19
Nha ermons no ivita des duensa di Coronavirus
I kunsa na Asia, i tciga na Eropa
I panti na Amerika, ali gosi i sta dja na Afrika

Sempri nu laba no mon ku iagu ku sabon
O nu uza alkol i kel
No pui mininus tambi pe ba ta laba
I no kuida prendi elis na kasa
Nha ermons, no privini

Fika na kasa, bu ivita djagasi ku djintis manga del
Lundjusi di bu kumpanherus ku distansia di un metru si bo na papia
Pa ivita kontaminason di Corona ooi

Su na tursi seku, bu na spira
Ka bu pui mon pa tadja kel
Buska lensinhu pa tapa naris ku boka
Garganti na kosau, i na deu
Pui agu kinti ku limon, bu bibi

Si bu sinti sintoma ka bu panta
Nen ka bu nega fasi testi ooo
No disa teimozia di fala kuma i ka tciga inda
No misti odja

Es Covid-19 bin kasanu tudu na mundu
Ma no, no pudi ku el
Nha ermons bo tene speransa

Si bu tene febri altu o normal ooo
Ku falta di ar ku na da folgu kansadu
Pega telefoni, bu liga rapidu
Pa MTN 1919 i pa Orange 2020
Aius sa turna bin pa bo

Si no uza maskara no dibi di trokal
Si ki ki ta laba no dibi di labal, no sekal na sol kinti
Yo, mensaji di John William
Anos kriansa, no privini

Corona ta kamba rapidu
I parsi gripe ma i ka el
Pa kila no sigui orientasons di OMS
Ku teknikus di saudi

Si bu sai di kasa o riba laba mon ku sabon
20 segundus antis di bu toka algun kusa
No privini, Corona na mata
No privini, nha ermons

No rasa no pidi Deus ku fe
Sempri no laba no mon
Ku iagu ku sabon
O bu uza alkol gel
Fika na kasa, bu ivita
Djagasi ku djintis manga del

Es Covid-19 bin kasanu tudu na mundu
Ma no, no pudi ku el
Nha ermons bo tene speransa

Nha ermons no kuida des Covid-19
Nha ermons no ivita des duensa di Coronavirus
I kunsa na Asia, i tciga na Eropa
I panti na Amerika, ali gosi i sta dja na Afrika