Koitadi mindjer di djinti, si omi muri i disal ku mininus
El i ka tene ninguin ku pudi djudal ku si fidjus
I ta lanta i ka tene nin un kilu pa i kusinha
Si fidjus ta djubil asin, ma i ka tene manera di fasi
Vizinhus ku ta sirbil un bokadu so pa mininus pudi kume
I ta entra dentru, i ta tchora ee,
ma i ta miskinha kuma ku i na fasi ku kil mininus na mon i ke ku mas ta kudal
Mas suma ela i tene fe, i disa tudu na mon di Deus, hamm hamm, i disa tudu mon Deus

Mindjer guerera (hamm hamm)
Mindjer batalhadora (hamm hamm)
Mindjer di forsa, abo i un izemplu pa sigui, ia

Mindjer bin fasi imprestimu na mon di un vizinhu
Pa i kunsa fasi bida nos si situason ta muda
I kunsa na panguet i ta fasil sabi djintis tudu gosta
Ora ki kaba bindi, i ta pesa aros i ba kusinha pa si fidjus
Un bokadu bokadu si negosiu na kirsi, gos i ka so panguet ku i ta fasi, i ta bai lumu
Buska karbon i gradis di tomatis pa bin bindi
E nau so i manga de produtus alimentisius, i ta batalha risu pa ben disi familia
Ela i pui pe risu pa ben disi fidjus

Mindjer guerera (hamm hamm)
Mindjer batalhadora (hamm hamm)
Mindjer di forsa, abo i un izemplu pa sigui, ia

Konsoanti tempu vida di mindjer, kada bias i mas na muda
I konsigui poupa na kil si kudji-kudji di kada dia
I kumpra si spasu gos si planu i di kumpu si kasa
Porki nunde ki mora la i renda ku i ta paga
Serteza i tene Deus na dal forsa, i na konsigui
Suma ki akredita uns tempus pa frenti i konsigui kumpu si kasa
I muda ku si fidjus heii i konsigui vensi na vida hamm, i konsigui vensi na vida

Mindjer guerera (hamm hamm)
Mindjer batalhadora (hamm hamm)
Mindjer di forsa, abo i un izemplu pa sigui, ia