N'lavanta log ced npoi pé na txon
Nba pa cais acostável trabaiá na vapor
Boina na cabeça, calça ratxod na joelho
Camisa sem boton pa gatchá geada
Capataz falá hoje ka tem lugar
Bai bu bem dia quinze trabaiá na paquet
Sangue fervem na veia, coraçon saltá
N'txorá n'txorá pa nka b'tal na mar

Onte nka jantá inda nka mata injum
Ntem dezassete teston i mei na fucsinh
Ki ka ta da nem pan bibé pa esquecé

Rafim tem quinze one é ta parcé tem dez
El sai de casa diazá nunca mais el voltá
Nha Juninha vrá dod, sai na mundo ta espiál
Dipos el consolá, el conformá també

Cê caxot d engraxa ta da dinher pa cinema
Cont ta sobejá el ta durmi ma Xanda
Pa um hora da tard el ta ba pa quartel
Cumé cumida q sobrá e quês ka btá fora
El ta fumá cê falcão
El ta jugá cê burrinha
Tê d'notinha si parcé plicia el ta fugi
Pa banda d'matiota, fortinh, tchan d'alecrim
Ou el ta bai pa cinema oiá um fita qualquer

Nunca el deta n'um cama, nem el ba pa escola
El ta tchocá na pluridin
El ba Dois vez pa Albert
Ma el pude fugi da lá
El tem raiva gente ric, plicia ma stranger també

Nha gent assim é vida
Assim é pior q'bitxe na tchiquer
É hora de lavantá cabeça e poi abuse na cê lugar

Cê pa vive ssim ta morré tudora
Morré duma vêz ta lutá pa vida
Contra fome e desemprego injustiça, miséria
Contra sploraçon contra opurtunismo

Cê pa vive ssim ta morré tudora
Morré duma vêz ta lutá pa vida
Contra fome e desemprego injustiça, miséria
Contra sploraçon contra opurtunismo

Cê pa vive ssim ta morré tudora
Morré duma vêz ta lutá pa vida
Contra fome e desemprego injustiça, miséria
Contra sploraçon contra opurtunismo