Io campavo, ero felice
senza ammore e senza 'e te.
Mo ce vo, comme se dice,
"Me sentevo cchiù 'e nu rre".

Ma na sera te 'ncuntraie
mentre ascevo 'a nu cafè
e, guardannete, penzaie,
"Sta bellezza è per un rre".

Che mm' e' diciste a fa'
"Te voglio bene".
Che mm' e' 'mparaste a fa'
che d' è l'ammore.

Pecchè mettiste 'o ffuoco
int' a sti vvene.
Pecchè tu me 'mparaste
a suspirà.

E mo ca 'e te me songo
'nnammurato,
ammore mio, pecchè
me vuò lassà.

'0 saccio, vai dicenno
"Aggio pazziato,
è stato nu capriccio,
ca passarrà".

Che mm' e' diciste a fa'
"Te voglio bene"
si chistu bene
è n'infelicità.

Che mm' e' diciste a fa'
"Te voglio bene"
si chistu bene
è n'infelicità!