Hora sá passa, manenti má inda tem medo di sono
Segurança é odjo aberto, pmd és mundo é medonho
Kel mai riba porta tá txora, pmd si fidju ka txiga
Nha odjos dja intxi di lagua, notícia dan frio na barriga

Eh, morri di bala perdida, ki sai di disparo polícia
Criança matado ku arma di estado, ma kela ka sai na notícia
Si era fidju di ministro, era missa na televisão
Coitado pá sempre é réu, si justiça tem símbolo sifron

Hipócritas ku mo na altura tá grita pá revolução
Kel mo ki fica pá baxu, cumprado na tempo eleição
Cabo Verde, ke nha partido, conversa di 2 nha vizinha
Ma preço ses patriotismo é saco cimento e vergonha

Hospital tá lucra ku morte inocente, sufri consequência
Agostinho inda ka tem neto, pmd ses negligência
Serviço saúde nha terra, especialista na dura ki atendi
Kuze ki passa ku kruvela? Assunto kes fingi mes skeci

Si verdade, ofendi alguém, mentira é si carapuça
Munti sta dentu di igreja ku ramedi di corda tá usa
Teatro na nomi di Deus, calúnia e distorci palavra
Goci só fé, ka txiga, sem dinheiro ninguém ka tá salva

Sufrimentu nka kre odja
Nfitxa odjo, rosto modja
Voz di 1 povo ki calado
1 criança ki tá txora
Munti mai cheio magua
Munti fidju ki ka salva
Na correio di nha alma
Nbem trazeu carta di lagua

Será ki amor ta salva?
Será ki amor ta salva?
Será ki amor ta salva?
Será ki amor ta salva?
Trazem cura na nha alma
Será ki amor ta salva?
Será ki amor ta salva?
Será ki amor ta salva?

Onti nconxi 1 criança di 13 ano di idade
Vida cabal ku esperança na porta di si puberdade
Eh, teni 1 fidju na pé, na odjo tristeza ka minti
Eh, flan me engravida ku 12, má pai é si primo di 15

Flan mo ke possível dentu di 1 casa, criança tá pari criança
Flan mo ke possível dentu di 1 terra, esperança tá mata esperança
Munti criança ke mai cenário ke normal pali
Antes di conxi liceu, nós mininu dja conxi pmi

Ko liga 132, ko cunfia na ninguém di farda
Nha mano bem desfigurado, tratamento ke dado na esquadra
Motivo di tanto violência é flan me ka fazi nada
Kel polícia ki manda sotal es tinha mesmo namorada

Ntem medo di forças armadas, antany ti inda sa gera
Estupro bira treinamento pa jovens bai jura bandera
Imagina futuru kel jovem dipox di tudo frustração
Dia kes pol di serviço ku 60 bala dentu mon

Nha povo kre revolução, ma nha povo sa espera xintado
Nu ta fla, ma culpa é di estado, na verdade nós tudo é estado
Problemas ta parci, nha povo ta cala e dexa kel culpa na flano
Si nu ka djuda, nós cabeça kenha ki podi djudanu

Será ki amor ta salva?
Será ki amor ta salva?
Será ki amor ta salva?
Será ki amor ta salva?
Trazem cura na nha alma
Será ki amor ta salva?
Será ki amor ta salva?
Será ki amor ta salva?

Sufrimentu nka kre odja
Nfitxa odjo, rosto modja
Voz di 1 povo ki calado
1 criança ki tá txora
Munti mai cheio magua
Munti fidju ki ka salva
Na correio di nha alma
Nbem trazeu carta di lagua