Óndas pregisózas ta rola n'areia
Nha pensamentu perkóre orizonte, dja-l bai, dja-l bai
Vila turístika, ku se praia moréna, vokason pa mar
Se jardin floridu, linpinhu, linpinhu

Tarafal, skuta-m ku atenson
N krê fla-bu sô ma éra duedu
Faze di bo un kanpu di konsentrason
Un kámara di silénsiu
Tristi prizon di tristéza, di justisa
Tristi prizon di tristéza, di justisa

Agóra bo é nos praia moréna
Agóra volta pa tras é un péna, ai nau, ai nau
Agóra bo é nos jardin floridu
Agóra vila keridu, bunitu, bunitu

Tarafal, skuta-m ku atenson
Liberdadi dja no kré-bu txeu
Sinblu di rapreson dja-u dexa di ser
Sinpatia di mundu volta pa bo
Lenbra kes jóvens: abri bos pórta, solta bos prézu!
Lenbra kes jóvens: abri bos pórta, solta bos prézu!