N labanta sedu N da bóita na kaza
N kre ruma tudu i dipôs diskansa
Nha mininu oji ka sa na kaza
Ma nha konsiénsia sa peza-m pamô e ka sta na kaza

Talvês é nha inpreson di mai
Nha mininu ma sa dretu djuntu ku se pai
Manhan é sigunda, e ta ba pa skóla
Xa-m ruma tudu material p'e pode sisti aula

Ma mésmu asin algu ka sa dretu
Algun kuza ma sa stranhu, N tene dór na petu
Es fla xintidu di mai ka ta fadja
Ma nha genti, fla-m pamô ki korpu sa rapia-m
Láguas ta pinga, N sa tenta konsola
Nha korason sa bate fórti, N kre so nha mininu
S'é pezadelu, senhor, faze-m korda
Pamô N sa xinti nha mininu ta kóre prigu

Talvês é nha inpreson di mai
Nha mininu ma sa dretu djuntu ku se pai
Manhan é sigunda, e ta ba pa skóla
Xa-m ruma tudu material p'e pode sisti aula

Undi nha mininu sta? Undi, nha mininu
Undi nha mininu sta? Undi, nha mininu
Undi nha mininu sta? Undi, nha mininu
Undi nha mininu sta? Undi, nha mininu

É ka pamodi ma dja N dizispera
É ka pamodi ma N ka sa kridita
Nha korason ki sa ta bate fórti
Pa nha mininu N ka ta inporta nau, N ta da nha vida
Kel-li é más dór ki pankada, kel-li é más piór ki fakada
Kel-li é kel dór di perda, nha genti, ki ka ta sara
Kel-li é kel parti más duedu, pa déntu N sa xeiu medu
N prifiri mi en vês di el, nha genti, fórti duedu
Mar, dja leba-m nha mininu
Kuse ki mi N ta faze, nha genti? N kre nha mininu
A, mar! Fartura di peskadoris, susténtu pa nos pexera, más pamodi nha mininu?

Undi nha mininu sta? Undi, nha mininu
Undi nha mininu sta? Undi, nha mininu
Undi nha mininu sta? Undi, nha mininu
Undi nha mininu sta? Undi, nha mininu

Undi nha mininu sta?
Undi nha mininu sta?
Undi nha mininu sta?
Undi nha mininu sta?