Rûnom ûneinich wetter, wy farre troch waar en wyn
Troch tsjustere nachten, de leechte yn
Syn stim sil ús stjûnen liede op ‘e syk nei lân
De see wer ferruilje foar gers en sân

Of faaks foar beammen en bergen, mar ús skip leit altyd ree
Dan brekke wy de keatlings en binne wy wer thús op see
Ferbûn oan wrydske wetters leit ús takomst dêr
Wêr’t de stirns saaie en sâlt bliuwt ús hert

Thús op see, de sinne is ús roer
Hûs en hiem ferlitten, de stjerren as ús stjoer
Frijheid streamt troch ús ieren as it wetter brûst foar de boech
Wy hâlde hoek op de seeën, gjin weachkriich is ús te rûch

Al wurdt de loft as betsjoend hommels yn en yn swart
Moetsje himel en ierde, wurdt alle skientme fertard
Brekt de mêst ús midstwa, wurdt it syl ús teskuord
Us siel is fan de see, ús betrouwen yn Njord

Wy bliuwe farren, ús skippen altyd ree
De keatlings brutsen, wy binne thús op see
Ferbûn oan wrydske wetters leit ús takomst hjir wêr’t
De stirns saaie en sâlt bliuwt ús hert