ho ho ho
bahut jataate ho chaah humse
karoge kaise vivaah humse
kasam khuda ki yahi kahunga
tumhaare bin main na ji sakunga

yeh dard kya hain, karaar kya hain, tumhe pata hain yeh pyaar kya hain
deewaana pan hain deewaangi hain, suna hain maine yeh bekhudi hain
wafa ki raaho mein jalna hoga, kahi gire toh sambhalna hoga
sulagte sholon pe main chaalunga
wafa ke rangon mein rang lunga

nazar mein chehra taraash lunga, tumhaari saansein ki pyaas lunga
yeh khwaab itna haseen kyon hain, tumhein wafa pe yakin kyon hain
meri toh khwaahish tumhaari chaahat, mujhe bhi kab se tumhaari hasrat
milaao na yu nigaah humse
ho jaaye na kahi gunaah humse

zamaana humko karega ruswaah, jara bataao karoge tum kya
mujhe na ruswaayi ka koyi darr, tumhe toh chaaha hain apne dam par
kisine humko juda kiya toh, khushi ke mausam mein gam diya toh
zamane ke saare ghum sahunga
na dur ab tumse main rahunga
bahut jataate ho chah humse
karoge kaise vivaah humse