Ich gsehn e hampfle chüe uf de fälder
Ghör di alt chile uf em berg
Dänke a di langsam tickende uhre
I dem 1000 seele dorf

Ich han im hosesack en zähner
Freu mi uf e suuri zunge vom volg
Geschpüre d’ sunne uf em spilplatz
Wird vo 1000 bilder igholt

E brülle uf de nase und e schramme im gsicht
Manchesterhose mit me jeansblätz gflickt
E schlägerei uf em pauseplatz
Chuefälischuelthek, nylonturnsack
S’ velo drü gäng, es achti im rad
Ich vergiss es nie wo s’ richtige läbe isch I mis läbe kracht
Genau denn: 1985

Ich gseh de alt radio I de chuchi
Ghör all die lieder wo dänn sind cho
Dänke a d’ hitparade am sunntig
A 1000 neui gfühl zu jedem song

Am kiosk hangt s’ neue bravo
Ich weiss no gnau wien I’ s dänn ha gchlaut
Dänke a die 1000 neue frage
Wo dänn sind uftaucht

E brülle uf de nase und e schramme im gsicht…

Und dänn isch sie cho, ich gseh sie no vor mir
Ihri lange haar ihres fiine gsicht
Rüeblihose, silberblick
Di schönschti uf em pauseplatz
Ha gwartet duss vor ihrem huus
Mit’ me liebesbrief und eme bluemestruss

E brülle uf de nase und e schramme im gsicht…
Ich gseh’ s no vor mir
1000 Bilder
1000 Neui gfühl
1000 Frage
Wo s’ richtige läbe isch I mis läbe kracht
Gnau: Dänn 1985